InicioCULLEREDOPiden 5 anos de cárcere para tres empresarios de Culleredo por estafa...

Piden 5 anos de cárcere para tres empresarios de Culleredo por estafa na venda de dispositivos GPS a Medio Rural en 2007

Publicada o

Por europapress

A Sección Primeira da Audiencia Provincia da Coruña xulgará este luns e martes, 5 e 6 de xuño, a tres administradores da empresa Satdata Telecom, con sede en Culleredo, por estafa e un delito continuado de falsidade de documento mercantil en relación coa venda de 80 dispositivos GPS á Consellería de Medio Rural, ocorrida en 2007.

Segundo recolle o escrito de Fiscalía –o caso procede do Xulgado de Instrución Número 7 da Coruña–, acúsase a este tres empresarios de defraudar máis dun millón de euros ao Banco Espírito Santo mediante o uso dun contrato coñecido como ‘factoring‘, un mecanismo polo cal un cliente cede a unha entidade financeira a súa facturación para que esta se encargue de cobrala aos seus acredores e o banco adiántalle ese diñeiro a cambio duns intereses.

A acusación expón que, en febreiro de 2008, os administradores da mercantil selaron o contrato de ‘factoring’ co banco, cando xa en decembro de 2007 e xaneiro de 2008 cobraran á Xunta as facturas polos seus servizos, que incluían dispositivos GPS para motobombas e mantemento das aplicacións.

Por iso, o fiscal apunta que, “mediante a confección desa facturación ficticia”, buscouse “facer crer o banco que esta era real”.

Ademais da pena de cinco anos de prisión pídese para cada acusado unha multa de máis de 3.500 euros, así como indemnizar ao Banco Espírito Santo con máis dun millón de euros supostamente defraudados.

ÚLTIMAS

Interceptan a un condutor que se deu á fuga en Culleredo tras chocar con tres coches

A Policía Local de Culleredo logrou dar co condutor que supostamente se deu á...

A AC Alexandre Bóveda afonda sobre a realidade Palestina

Non para a Asociación Cultural Alexandre Bóveda, coa programación de marzo e abril absolutamente...

Conversa con RJ Junior, promotor do Go! Electronic Festival

A finais de verán temos na comarca veciña festival de música tecno. O 13 e 14...

Conclúe a V Semana do Cinema Galego cunha media de máis de 300 espectadores por xornada no Teatro Colón

A V edición da Semana do Cinema Galego, que se celebrou entre os días...