InicioPOLÍTICAJorquera, candidato do BNG: "A Coruña necesita impulso e ambición"

Jorquera, candidato do BNG: “A Coruña necesita impulso e ambición”

Publicada o

Por europapress

A portavoz nacional do BNG, Ana Pontón, cualificou á formación nacionalista como un “modelo referente na xestión municipal“, na presentación do seu actual portavoz no consistorio coruñés, Francisco Jorquera, como candidato á Alcaldía da Coruña.

Foi nun acto ante distintos representantes sociais nos que Jorquera indicou que o BNG concorrerá ás eleccións municipais como “alternativa” e co obxectivo de gobernar. “A Coruña necesita impulso e ambición”, sentenciou.

Ademais, reivindicou a necesidade dun “proxecto de cidade” pra abordar cuestións como “a limpeza, a xestión de residuos, a mellora de liñas de buses…”, citou, entre outros exemplos, ao cuestionar a xestión a este respecto do goberno local socialista. “Impulsar outro modelo de mobilidade para pór aos barrios no centro”, sinalou tamén nunha intervención na que manifestou a vontade do BNG de gobernar e converterse nun “goberno local esixente con outros gobernos”.

Ademais, na súa intervención, avanzou que agora se procederá á elaboración da candidatura “cun marcado perfil social”, así como do programa do BNG para a cidade da Coruña “con diálogo da sociedade”.

“O DELEGADO DOS VECIÑOS”

Mentres, Ana Pontón remarcou que, de ser elixido alcalde, Jorquera será o “delegado dos veciños”. “Non da Xunta nin do Goberno”, dixo cuestionando o papel a este respecto de rexedores do PP e do PSOE e o “servilismo a Ferraz e a Xénova”.

“Non tolerará que o Estado condone a débeda ao porto e que aquí o paguen os veciños”, engadiu sobre o futuro dos peiraos. “Ou que o Estado transfira o cárcere sen garantir a rehabilitación”, apostilou sobre a antiga prisión provincial.

Ademais, puxo como exemplo da xestión municipal do BNG a cidade de Pontevedra. De Jorquera, manifestou tamén que é “unha alternativa clara para afrontar o declive destes anos” cun “proxecto novo” baseado no “diálogo e a ambición”.

ÚLTIMAS

Pasea polo medio de Cambre cun machete de 45 centímetros de folla

AA Policía Local de Cambre denunciou a un mozo que paseaba pola contorna do...

Olladas doutro tempo: Panorámicas e Vidros

Os Castros sempre foi un mirador privilexiado, con certa altura e un ángulo grande...

O Muncyt recibe máis de 55.000 vistas anuais

O delegado do Goberno en Galicia, Pedro Blanco, visitou a sede coruñesa do Museo...

Xulgan a un home acusado de formar parte dun grupo que roubaba vivendas en Oleiros, Bergondo, Sada e Sanxenxo

A sección segunda da Audiencia Provincial da Coruña celebrará os días 3, 4, 5 e...