O vicepresidente segundo da Xunta e conselleiro de Presidencia, Xustiza e Deportes, Diego Calvo, será o novo vocal representante da comunidade autónoma galega no consello de administración da Autoridade Portuaria da Coruña.
Así o recolle o Diario Oficial de Galicia (DOG) en relación á designación dos vogais dos consellos de administración de autoridades portuarias do Estado situadas no territorio.
Trátase dunha facultade que recae na conselleira do Mar, Rosa Quintana, e pola que se nomea a Diego Calvo como vocal representante da comunidade autónoma no citado consello de administración portuario.
