A directora xeral de Xuventude, Participación e Voluntariado, Cristina Pichel, acudiu este domingo á localidade coruñesa de Oleiros ao II Encontro Mocidade Voluntaria, unha xornada para dar a coñecer as opcións de voluntariado na comarca. O evento contou coa participación de ONG e asociacións que traballan neste ámbito.

Alí, Pichel destacou o “compromiso, colaboración e solidariedade” da mocidade galega. Neste sentido, expresou que ser voluntario é “unha cuestión de actitude” que implica “estar comprometido coa contorna e cos demais”.

Nunha nota de prensa, a Xunta sinalou que durante a xornada celebráronse faladoiros e mesas redondas nas que se explicaron proxectos de voluntariado e deuse información sobre as opcións que teñen os mozos que queren dedicar unha parte do seu tempo aos demais.