Casa Museo Casares Quiroga abrirá este xoves as súas portas a un ciclo de conferencias sobre o labor solidario de María Casares na Guerra Civil.

Será unha iniciativa que terá por título ‘Acollidas: Conversacións na casa de María Casares’, informa o Concello da Coruña que promove esta iniciativa dentro do Ano Internacional dedicado á artista.

O obxectivo, engade, “pór en valor o carácter solidario da actriz e o seu traballo de acollida, no seu exilio en París, coa recepción de refuxiados da Guerra Civil española e tamén de xudeus que fuxiron na segunda guerra mundial”.

O ciclo será os días 6, 13, 20 e 27 e incluirá recreacións teatrais e un formato de entrevistas, con acceso libre á cidadanía ata completar aforamento.