O portavoz do PP no Concello da Coruña, Miguel Lorenzo, destacou o “ánimo de colaboración institucional para que poidan avanzar as obras que a Xunta de Galicia ten en marcha na cidade” da reunión entre o presidente autonómico, Alfonso Rueda, e a alcaldesa herculina, Inés Rei.

“A Xunta é a administración que máis inviste na nosa cidade, pero para que se poidan executar é necesaria a colaboración do concello polo que é fundamental o diálogo”, sostén nun comunicado.

Nel, alega tamén que “é importante para a cidade que se chegaron acordos para os accesos e as expropiacións necesarias para a construción do novo Chuac e que as obras avancen”.

Lorenzo tamén valora o “firme compromiso” da Xunta en educación, cultura e deporte, en relación a outros acordos como o financiamento da Orquestra Sinfónica de Galicia.