Un operario que traballaba nunha obra na refinaría de Repsol na Coruña morreu na mañá deste sábado nun accidente laboral.

Segundo informa Repsol, o ocorrido non garda relación coa actividade da propia refinaría, senón que se produciu durante unha obra civil dunha empresa auxiliar nas súas instalacións.

A pesar da intervención dos servizos médicos, “non foi posible evitar o seu falecemento”, engade a compañía, que ademais, “en nome dos seus traballadores, transmite o seu pesar ás familias do falecido e á empresa na que traballaba”.

Tanto Repsol como a Policía Xudicial manteñen aberta unha investigación para esclarecer as causas do accidente.