InicioCULTURAO Camiño Inglés; ficción, medio ambiente e inmigración

O Camiño Inglés; ficción, medio ambiente e inmigración

Publicada o

Por europapress

O Camiño Inglés, o medio ambiente e a inmigración son os temas centrais de ‘O noso pasar: a nosa natureza‘, un documental de ficción rodado a finais de setembro nos municipios coruñeses de Miño, Paderne e Betanzos que foi presentado este xoves na Filmoteca de Galicia, na Coruña.

Esta obra enmárcase no programa de apoio a iniciativas socioculturais da Xunta ‘O teu Xacobeo’, que ten como obxectivo impulsar proxectos relacionados co Ano Santo e potenciar a marca de Galicia como destino seguro e de calidade.

Ao acto de presentación asistiron o produtor executivo, guionista, director e actor da peza audiovisual, Roberto Alvite, e o delegado territorial da Xunta na Coruña, Gonzalo Trenor. Así como os voluntarios procedentes de Ucraína, Colombia e Venezuela que participaron na produción.

‘O noso pasar: a nosa natureza’, segundo explicou Alvite, “segue unha liña social que aborda algo que, aparentemente, está moi visto como é o tema do Camiño de Santiago e do medio ambiente de maneira fresca, orixinal e metendo comedia”.

O director explicou que este documental, producido por Melgo Cinema, é a “primeira pedra dun proxecto transmedia” que finalizará no Xacobeo 2027 e incluirá esta obra, unha de realidade virtual, un videoxogo e unha miniserie de ficción.

ÚLTIMAS

Olladas doutro tempo: Campo da Derruba

1880 é a data na que se tomou esta fotografía. Se quixeramos acadar o mesmo...

A retirada da narcolancha varada na praia de Nemiña, pendente da chegada dun guindastre máis potente

A planadora varada onte na praia de Nemiña, Muxía, permanece na mañá deste venres...

Comezan as expropiacións para executar a Torre Polivalente do ‘Novo Chuac’

O Goberno galego deu luz verde ao decreto polo que se declara a utilidade...

‘Picasso branco no recordo azul’, unha mostra na Coruña para reivindicar a súa etapa galega

O Museo de Belas Artes da Coruña acolleu este xoves a inauguración oficial da...