InicioA CORUÑAGrande operativo contra a venda de drogas na rolda do Outeiro e...

Grande operativo contra a venda de drogas na rolda do Outeiro e Monte Alto, na Coruña

Publicada o

Por europapress

Varias persoas foron detidas na Coruña e a súa área nun operativo conxunto de Garda Civil e Policía Nacional contra a venda de drogas.

Así o confirmaron a Europa Press fontes próximas á investigación en relación a un operativo desenvolto o martes contra o menudeo de droga e que segue baixo secreto de sumario.

Dos detidos, polo menos un foi na zona da Rolda de Outeiro e outro na rúa de Santo Tomás, no barrio de Monte Alto, segundo as fontes consultadas.

A operación por parte dos axentes da Policía Nacional e a Garda Cvil iniciouse pola mañá e supuxo tamén actuacións noutros municipios próximos á cidade herculina.

Algúns dos detidos, precisaron as mesmas fontes, foron por parte da Policía Nacional e outros pola da Garda Civil.

Sobre a mesma, a subdelegada do Goberno na Coruña, María Rivas, sinalou que se trata dunha operación que “viña de datas anteriores”, pero que se desenvolveu na xornada do martes.

Tamén ratificou que está baixo secreto de sumario e destacou a colaboración entre as Forzas e Corpos de Seguridade do Estado. Así mesmo, confirmou que segue aberta.

ÚLTIMAS

Aviso amarelo na noite deste mércores no litoral da Coruña por ondas de ata 4 metros

A costa noroeste da Coruña e a Costa da Morte estarán este mércores en...

Secundan unha protesta convocada por CCOO polo “incumprimento do convenio” na empresa Nervión

Delegados sindicais de CCOO e traballadores de Nervión Industries, empresa auxiliar na refinaría de Repsol na Coruña, mobilizáronse...

As Enfermeiras maniféstanse pola mellora das súas condicións laborais

Centos de profesionais manifestáronse este mediodía de martes 26 de setembro na cortorna do...

Un cuarto de século do penal de Teixeiro: un 60% de internos en módulos de respecto co foco na súa volta ao exterior

É moi diferente a vida dun interno nun módulo de respecto que nos módulos...