InicioSOCIEDADEA moza coruñesa detida en Irán está "en boas condicións", segundo o...

A moza coruñesa detida en Irán está “en boas condicións”, segundo o Goberno

Publicada o

Por europapress

O delegado do Goberno en Galicia, José Miñones confirmou que Ana Baneira, a moza coruñesa de 24 anos detida en Irán durante as protestas desatadas tras a morte de Masha Amini — falecida tras ser detida por levar mal posto o veo– está “en boas condicións”.

Fíxoo, a preguntas dos xornalistas, tras asistir a un acto con estudantes da ESO e no marco das actividades promovidas pola Delegación do Goberno con motivo do 25N, o Día Internacional da Eliminación da Violencia contra as Mulleres.

Seguimos en contacto co Ministerio de Exteriores e Exteriores coa embaixada“, expuxo Miñones sobre o caso. Tamén apuntou que o ministro José Manuel Albares “se puxo en contacto coas autoridades de alí” e que se está facendo o correspondente seguimento.

Miñones trasladou tamén o apoio á familia e pediu “prudencia, serenidade e deixar traballar” ao Ministerio de Asuntos Exteriores e á embaixada española en Irán. Cuestionado se a moza está ben, precisou que os familiares están “en contacto con ela a través da embaixada”. “Sabemos que está en boas condicións, pero o importante é seguir avanzando nas negociacións”, dixo.

ÚLTIMAS

Aviso amarelo na noite deste mércores no litoral da Coruña por ondas de ata 4 metros

A costa noroeste da Coruña e a Costa da Morte estarán este mércores en...

Secundan unha protesta convocada por CCOO polo “incumprimento do convenio” na empresa Nervión

Delegados sindicais de CCOO e traballadores de Nervión Industries, empresa auxiliar na refinaría de Repsol na Coruña, mobilizáronse...

As Enfermeiras maniféstanse pola mellora das súas condicións laborais

Centos de profesionais manifestáronse este mediodía de martes 26 de setembro na cortorna do...

Un cuarto de século do penal de Teixeiro: un 60% de internos en módulos de respecto co foco na súa volta ao exterior

É moi diferente a vida dun interno nun módulo de respecto que nos módulos...