A Asociación Sosdesaparecidos activou á primeira hora da tarde deste xoves, 17 de novembro, unha alerta pola desaparición de Juan López Domínguez, coñecido como ‘Juancho’, cuxo paradoiro se descoñece dende o pasado domingo, día 13.

Segundo a devandita publicación o home desapareceu da súa casa situada en Cabo Prior, na parroquia ferrolá de Cobas, pero o buscado é moi coñecido en Narón, xa que leva anos rexentando un establecemento comercial situado na parroquia de Piñerios.

Ten 41 anos, mide entre 1,70 e 1,75 metros é de complexión delgada, ten pelo negro, ollos castaños e barba.

Ademais, tamén falta o seu vehículo, un Volkswagen Golf de cor azul claro. Os seus familiares interpuxeron unha denuncia na sede da comisaría de Policía Nacional de Ferrol-Narón e nos labores de procura tamén están a participar familiares e amigos.