InicioPOLÍTICAO alcalde de Sada advirte que a moción de censura de "tránsfugas"...

O alcalde de Sada advirte que a moción de censura de “tránsfugas” é un “golpe á democracia”

Publicada o

Por editor

O alcalde de Sada, Benito Portela, de Sadamaioría, cualificou de “golpe á democracia” a moción de censura asinada por nove concelleiros, sen o apoio dos seus partidos, e que se debaterá este venres.

Nun comunicado, cualifica de “tránsfugas” aos dous exediís de Alternativa dos Veciños, aos que a formación expulsou, como fixo tamén de maneira provisional, o PSOE cos seus dous concelleiros. No caso do PP, a formación abriu expediente disciplinario ao cinco edís.

Portela –cuxo partido, Sadamaioría, gobernou en coalición cos ata pouco edís de Alternativa e co BNG– afirma que o municipio “corre un gran risco de illamento institucional cun novo goberno de tránsfugas polo que a moción é contra Sada e eles sábeno”.

“Este golpe á democracia que tentan levar a cabo os tránsfugas chega nun momento determinante para o futuro do noso concello, con asuntos de gran relevancia que están a piques de resolverse”.

“Asuntos onde foi determinante a lealdade institucional e a colaboración entre diferentes administracións, como é o caso do maior investimento na historia recente de Sada, a mellora da depuradora, pendente unicamente de licitación pola Xunta ou como son outros proxectos en trámite, como a obtención de laparcela para ampliación do CEIP Sada e Contornos ou a do centro de saúde”, cita, entre outros exemplos.

Por outra banda, argumenta que os promotores da moción de censura queren “utilizar Sada para o seu propio beneficio político sen importarlles as consecuencias directas que terá no benestar da veciñanza”.

“Saben perfectamente as consecuencias e efectos legais que a normativa legal e a xurisprudencia establece no suposto de expulsión de concelleiras dos seus partidos e o correlativo pase a a condición de non adscritos”, sostén tamén. Ademais, avanza que “no caso de incumprimento” se exerzan “todas as accións legais oportunas, administrativas, e mesmo xudiciais, que procedan”.

ÚLTIMAS

A Coruña, provincia onde os pequenos concellos de interior votan de xeito conservador mentres a costa se moderniza

Galicia é diversa. A nosa terra é un territorio onde nada ten que ver a...

A Xunta presenta unha oferta por 35.000 euros para adquirir os murais de Lugrís da rúa Olmos da Coruña

Despois da polémica xerada entre a sociedade civil pola posta en venda dos murais...

O tempo descafeinou O Gran Camiño

Mágoa o temporal desta mañá que agriou a celebración de O Gran Camiño na...

A AMEGA descobre a historia dos medios en galego da cidade

Ademais do Festival de Música Galega contemporánea deste xoves, e para o que xa...