InicioDEPORTESQuiles non é dianteiro para este Depor

Quiles non é dianteiro para este Depor

Publicada o

Por Miguel Barreiro Bugallo

Aínda que sexa duro, a realidade é esa. Quiles é un dianteiro de 2ª División e, se cadra, defenderíase máis que ben nalgún equipo da 1ª División. O espigado dianteiro amosa unha capacidade brutal de facer gol, sendo capaz de asociarse con criterio cerca da área rival, ten un bo remate de cabeza e un bo control do balón en carreira, que non lle resta velocidade a súas accións. É un tipo dotado tecnicamente, con capacidade de traballo e con moita chegada dende a banda. Onte demostrou moita clarividencia no un para un, e, todo isto, a pesar de ser un tipo de rachas. Cando non marca, sempre xoga ben. Parece máis acertado pensar que é dianteiro para un Depor de 2ª.

Por outra banda, leva o Dépor unhas semanas raras no plano competitivo. Incapaz de achegarse á cabeza da competición, a pesar de levar catro vitorias en seis partidos. Isto ten explicación na racha brutal que levan Córdoba, Alcorcón e Castilla, todo eles precedendo ó Dépor na clasificación e que contan vitorias nas últimas cinco ou seis xornadas. Outros rivais, coma o Racing de Ferrol ou o Linares, pola contra, levan varias xornadas perdendo, o que lles coloca nas posicións fóra do playoff.

Neste cruce de rachas está o Dépor en boa posición para ir subindo peldaños. O domingo chega o Córdoba a Riazor. Ogallá sexa o comezo da racha negativa do equipo andaluz.

  • Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.

ÚLTIMAS

Nova protesta para pedir “xustiza” e “máis investigación” polo asasinato de Yoel Quispe

Familiares e amigos de Yoel Quispe, o mozo español de orixe peruana, de 22...

A asociación cultural O Mural urxe á Xunta a admitir a súa solicitude de declaración BIC dos murais de Lugrís

A asociación cultural O Mural, unha das entidades que alertou da situación dos murais...

O BNG pedirá no Parlamento galego a declaración da Coruña como mercado de vivenda tensionado

A portavoz nacional do BNG, Ana Pontón, anunciou que a formación nacionalista pedirá no Parlamento galego a...

Arde unha casa okupada no barrio dos Mallos, cun dos seus moradores detido por violencia machista

Unha vivenda okupada do barrio coruñés dos Mallos acabou calcinada este venres, cun dos...