InicioSOCIEDADEO Concello da Coruña apoia unha pasarela con Oleiros, pero situada baixo...

O Concello da Coruña apoia unha pasarela con Oleiros, pero situada baixo a ponte da Pasaxe

Publicada o

Por europapress

A alcaldesa da Coruña, Inés Rei, explicou que a “mellor localización” para a pasarela peonil e ciclista que promove a Xunta, entre a praia de Santa Cristina, en Oleiros, e a cidade herculina, é “baixo a ponte da Pasaxe”. “É a que ten menor impacto ambiental e a máis eficaz para a mobilidade sustentable”, recalcou.

A rexedora puntualizou que no caso de que esta opción “sexa refugada”, entre as dúas que propón o Goberno autonómico a que parte desde o hospital Materno Infantil “é a máis viable” e non a da praia de Oza.

Así o manifestou a preguntas dos xornalistas sobre as declaracións feitas polo concelleiro de Urbanismo, Vivenda, Infraestruturas e Mobilidade, Francisco Dinís Galego, no pleno celebrado este martes en María Pita nas que confirmaba que o goberno local está a favor da construción dunha pasarela.

Rei insistiu en que a “primeira opción” para o Concello é situar esta construción “baixo a ponte da Pasaxe”, pero “parece que a Xunta non parece ter interese nesta alternativa”. “Estamos pendentes de ter máis reunións con eles, a Xunta ten que presentar os documentos para este tipo de proxectos”, sinalou.

Así mesmo, lembrou que “despois de 20 anos” está a procederse ao dragado da ría do Burgo e as actuacións que se fagan na zona “teñen que ter en consideración o impacto ambiental”. “Estamos a ser construtivos e propositivos”, destacou.

ÚLTIMAS

Olladas doutro tempo: Campo da Derruba

1880 é a data na que se tomou esta fotografía. Se quixeramos acadar o mesmo...

A retirada da narcolancha varada na praia de Nemiña, pendente da chegada dun guindastre máis potente

A planadora varada onte na praia de Nemiña, Muxía, permanece na mañá deste venres...

Comezan as expropiacións para executar a Torre Polivalente do ‘Novo Chuac’

O Goberno galego deu luz verde ao decreto polo que se declara a utilidade...

‘Picasso branco no recordo azul’, unha mostra na Coruña para reivindicar a súa etapa galega

O Museo de Belas Artes da Coruña acolleu este xoves a inauguración oficial da...