InicioA CORUÑADetido na Coruña por vender unha propiedade dunha familiar cun falso poder...

Detido na Coruña por vender unha propiedade dunha familiar cun falso poder notarial

Publicada o

Por europapress

A Unidade de Delincuencia Económica e Fiscal da Policía Nacional detivo na Coruña a un home por un presunto delito de falsidade documental e estafa e en relación a uns feitos que se remontan a agosto de 2020.

Segundo informa a Xefatura Superior de Policía en Galicia, nese momento, o autor dos feitos iniciou as negociacións de venda de varios locais e inmobles con outro particular. “Aínda que ningunha desas propiedades pertencían a este home, se non a unha familiar”, engade.

No mes de xullo do 2021, comprador e vendedor asinan un contrato de arras inicial para a compravenda dunha desas vivendas, presentando o agora detido, un poder notarial especial conferido por unha familiar seu, para realizar trámites no seu nome, e unha aceptación parcial de herdanza dese inmoble, do que refería ser beneficiario. Por iso, o estafador recibe 29.000 euros na súa conta, como sinal da futura compra da vivenda.

Con todo, a familiar ao que realmente pertencía esta propiedade descoñecía a transacción que se acababa de realizar, decatándose despois, xa en outubro de 2022, cando o comprador que pagara aquel contrato de arras, solicitáballe 101.000 euros en concepto de incumprimento dese contrato, xa que a venda non se materializou, “levantando as alarmas desta muller que puxo os feitos en coñecemento do seu letrado”.

A Policía explica que, durante o desenvolvemento da investigación, constatáronse as falsidades documentais nas que incorreu o autor, “usurpando a firma, nome e selo da notaría realizando en tales documentos unha redacción libre en beneficio propio, comprobándose como utilizou un papel timbrado que meses antes subtraera dunha notaría e que lle levou, no seu momento, unha primeira detención tras facer uso doutro poder notarial falsificado nunha entidade bancaria desta cidade”.

O autor dos feitos foi detido o pasado día 13 e posto a disposición xudicial tras o cal decretouse o seu ingreso en prisión provisional.

ÚLTIMAS

Olladas doutro tempo: Campo da Derruba

1880 é a data na que se tomou esta fotografía. Se quixeramos acadar o mesmo...

A retirada da narcolancha varada na praia de Nemiña, pendente da chegada dun guindastre máis potente

A planadora varada onte na praia de Nemiña, Muxía, permanece na mañá deste venres...

Comezan as expropiacións para executar a Torre Polivalente do ‘Novo Chuac’

O Goberno galego deu luz verde ao decreto polo que se declara a utilidade...

‘Picasso branco no recordo azul’, unha mostra na Coruña para reivindicar a súa etapa galega

O Museo de Belas Artes da Coruña acolleu este xoves a inauguración oficial da...