InicioSOCIEDADEO orzamento máis alto da historia da UDC: 168,44 millóns de euros...

O orzamento máis alto da historia da UDC: 168,44 millóns de euros para 2023

Publicada o

Por europapress

Universidade da Coruña (UDCcontará en 2023 co orzamento máis alto da súa historia, 168,44 millóns, un 14 % máis, nos que haberá un aumento do investimento, un 60 % con 31,9 millóns de euros. Ademais, para o apoio ao alumnado destinaranse 1,3 millóns.

Así o expuxeron, en rolda de prensa, o vicerreitor de Economía e Planificación Estratéxica, Domingo Calvo, e o reitor da Universidade da Coruña, Julio Abalde, quen alertou da situación “moi complicada” polo incremento do gasto corrente debido á alza dos prezos e a crise enerxética.

Ao fío diso, e a preguntas dos xornalistas sobre o financiamento autonómico, considerou que o actual plan de financiamento universitario “mellora o anterior”, pero demandou incrementar o financiamento de dous fondos “moi mal dotados”: o de gastos correntes e o estrutural.

Estas consideracións fíxoas despois de que o Consello de Goberno da UDC ratificase este martes a proposta de orzamentos para o próximo ano, despois de que o Claustro os aprobase a semana pasada por unanimidade. Estas contas entrarán en vigor canto teñan o visto e prace do Consello Social.

PARTIDAS

Sobre as distintas partidas, o vicerreitor explicou que se produce un incremento tanto no capítulo de gastos de persoal como no de gasto corrente. No primeiro, para facer fronte aos incrementos salariais do Estado co que alcanzan unha contía de 110,61 millóns de euros e increméntanse un 6,52 %.

Polo contexto inflacionista e o custo da enerxía, os gastos correntes ascenden a 19,94 millóns, o que supón un incremento do 6,85 %. Mentres, na presentación, destacouse o aumento do investimento en case un 60 % en I+D+i.

En particular, resaltáronse as actuacións no campus de Ferrol co futuro centro de investigación en industria intelixente ou na Cidade das TIC, na Coruña, onde se porá en marcha un centro de formación avanzada en novas ocupacións profesionais vinculadas á transformación dixital e ecolóxica.

Por outra banda, na presentación, destacáronse outras medidas para o aforro enerxético como o peche dos centros no período non lectivo e a implantación do teletraballo nese período; a adhesión de todos os edificios a centros que fornecen a enerxía a un mellor prezo ou o investimento destinado á instalación de placas fotovoltaicas en 12 edificios.

ÚLTIMAS

Mariscadores a ría do Burgo denuncian que “hai quen non pode afrontar pagos” e urxen axudas

Mariscadores e mariscadoras da ría do Burgo han secudando este venres unha nova concentración en...

O evento tecnolóxico ‘Ecosystems’ reunirá o día 28 no Palexco a mulleres líderes no sector

O evento de ecosistemas tecnolóxicos 'Ecosystems' reunirá o día 28, na Coruña, a mulleres...

Inaugurado o paso inferior e a ligazón de Sol e Mar en Oleiros

O delegado do Goberno en Galicia, Pedro Branco, e o alcalde de Oleiros, Anxo...

Presentado o programa do Orgullo coruñés

A festa do Orgullo coruñés comezará este sábado 22 de xuño e prolongarase ata...