InicioA CORUÑAA alcaldesa da Coruña presentará o orzamento de 2023 "nas próximas semanas"

A alcaldesa da Coruña presentará o orzamento de 2023 “nas próximas semanas”

Publicada o

Por europapress

A alcaldesa da Coruña, Inés Rey, confirmou que nas “próximas semanas” o goberno local trasladará aos grupos da oposición o documento do orzamento para 2023 co obxectivo de que poidan facer “as súas achegas e situarse”.

Fíxoo a preguntas dos xornalistas nun encontro para facer balance deste ano, que cualificou como o da “recuperación da ambición da cidade” e do que destacou o “desbloqueo” de proxectos como o dragado da ría do Burgo, a intermodal ou a conexión ferroviaria a Langosteira.

Nunha comparecencia na que fixo repaso das actuacións en materia de mobilidade; de protección social ou a licitación de obras, fixo balance tamén do mandato, ao ser preguntada polo mesmo.

Complicado polo inesperado da situación”, dixo sobre a pandemia. Con todo, destacou as iniciativas promovidas polo goberno local para facer fronte á situación e as axudas aprobadas.

Ademais, incidiu en que foi o mandato do “diálogo”. “194 asuntos debatidos en pleno e 193 aprobados”, asegurou tras reivindicar tamén os aprobados por unanimidade.

En canto ás iniciativas postas en marcha, destacou as 677 licenzas aprobadas; a peonalización de rúas ou a ampliación do servizo BiciCoruña, así como as obras nos barrios da cidade.

Por outra banda, a rexedora defendeu nesta comparecencia o acordo alcanzado co Estado para facerse coa propiedade do antigo cárcere, un asunto que levará a pleno este mércores. Polo edificio, o consistorio pagará 2,2 millóns, segundo expuxo a rexedora, que destacou a posibilidade do pago a prazos e a redución da contía, de 2,8 millóns a 2,2 millóns, apuntou.

ÚLTIMAS

Ilusión entre @s praceir@s na apertura do Mercado provisional de Monte Alto

Tras 3 semanas e media sen poder traballar, as praceiras do Mercado de Monte...

Empresari@s de ASCEGA, veciñ@s e oposición responsabilizan ao goberno da mala xestión das licenzas

Convocaba unha reunión onte a Asociación de Empresarios de Galicia (ASCEGA) para analizar a...

Viñetas desde o Atlántico queda sen o seu director

O debuxante Miguelanxo Prado, director do Salón Internacional do Cómic Viñetas desde o Atlántico...

A Coruña conta con máis dun centenar de símbolos franquistas sen eliminar, segundo un informe

A Coruña conta con máis dun centenar de símbolos franquistas sen eliminar, segundo un...