InicioSOCIEDADEA alcaldesa da Coruña ve unha "tomadura de pelo" que a Xunta...

A alcaldesa da Coruña ve unha “tomadura de pelo” que a Xunta decidise aprazar a pasarela con Oleiros

Publicada o

Por europapress

A alcaldesa da Coruña, Inés Rey, cualificou como unha “tomadura de pelo” que a Xunta comunicase, tras a última reunión co goberno local, a súa decisión de aprazar a pasarela entre o municipio coruñés e o de Oleiros.

“Se non fose porque están oito millóns de investimento en xogo eu diría que isto foi unha tomadura de pelo aos coruñeses”, manifestou a preguntas dos xornalistas. Nas súas declaracións, replicoulle á Xunta que “se non sabe” onde investir ese diñeiro fágao “en políticas de mobilidade” e que será o goberno local o que “llo diga”.

“É unha vergoña o desprezo da Xunta á cidade, empeza a ser unha broma de mal gusto a falta de investimento”, recalcou a rexedora quen, por outra banda, cualificou de “inocentada” que se traslade que se pida financiamento ao Goberno “para un proxecto que é da Xunta”. Por todo iso, instou ao presidente da Xunta a explicar “porque non inviste na cidade”.

ANTIGO CÁRCERE

Noutra orde de cousas, e preguntada pola postura da oposición de rexeitar o acordo co Estado para asumir a titularidade do antigo cárcere, co abono de 2,2 millóns de euros, sinalou que o que fixeron é decidir “pagar máis no canto de pagar menos”, en referencia aos 2,8 millóns nos que fixa o pago unha sentenza.

“Xa negociei, ese traballo xa o fixen”, engadiu, na comparecencia que tivo para presentar a cabalgata de Reyes e en resposta ás demandas para que siga negociando coa Administración central.

ÚLTIMAS

A alcaldesa da Coruña ve “irrevogable” a elección da cidade como sede da Aesia fronte as demandas de Andalucía

A alcaldesa da Coruña, Inés Rey, manifestou que a elección da cidade como sede...

Rueda di que sería unha “mala noticia” que A Coruña quede sen a sede da Aesia tras o recurso de Andalucía

O presidente da Xunta de Galicia, Alfonso Rueda, considerou este venres que sería "unha mala noticia que...

A Panadaría e o PT Excéntricas triunfan nuns reivindicativos Premios María Casares

Acolleu esta pasada noite o Teatro Rosalía de Castro a gala dos XXVII Premios...

Miguelanxo Prado deixa o Salón do Cómic polos “obstáculos” e as “limitacións económicas”

Anunciabamos onte a renuncia de Miguelanxo Prado a continuar como director do proxecto Viñetas...