InicioSOCIEDADEUn veciño das Somozas de 42 anos leva un mes durmindo no...

Un veciño das Somozas de 42 anos leva un mes durmindo no seu coche despois de que a súa nai o botara da casa

Publicada o

Por europapress

Un veciño das Somozas de 42 anos que está a piques de cumprir un mes vivindo e durmindo no seu coche criticou que tras acudir ao concello e entrevistarse co alcalde este non lle ofreceu ningún tipo de axuda nin colaboración. “Nin tan sequera para un bocadillo”, detallou en declaracións a Europa Press.

Este veciño das Somozas relatou que se viu obrigado a durmir no seu coche despois de que a súa nai, coa que convivía, o botase. Segundo David, a súa nai “non está ben e ademais non toma a medicación”.

Ante esta situación, David acudiu ao Concello das Somozas para solicitar colaboración da Administración local, onde chegou a entrevistarse co alcalde, Juan Alonso Tembrás (PP). Con todo, asegura que non lle ofreceu “ningún tipo de solución, nada de nada, ningún tipo de axuda e nin tan sequera ofreceume para un bocadillo”.

Aos 42 anos este veciño das Somozas é pensionista, pero ten unha pensión “moi pequena, das non contributivas” e que por iso tratou de buscar axuda no concello nun primeiro momento.

“Dixéronme que non había nada”, relatou este veciño que sostén que se lle ocorrese o mesmo noutro municipio da zona “o resultado sería distinto”.

ÚLTIMAS

En marcha a terceira expansión de BiciCoruña

O Concello licita a terceira gran expansión de BiciCoruña, que sumará 300 bicicletas...

Unha exposición marca o inicio das actividades do festival Mar de Mares

O festival Mar de Mares inaugurou na Coruña a súa décima edición coa inauguración dunha exposición...

A Coruña acollerá en outubro unhas xornadas da Alianza de Paisaxes do Patrimonio Mundial

A Coruña acollerá os días 5 e 6 de outubro unhas xornadas da Alianza...

A terceira edición do congreso ‘Artes pola paz’ celebrarase este venres e sábado na Coruña

O congreso 'Artes pola paz' celebra entre este venres e sábado, na Coruña, a...