O Concello da Coruña autorizou esta semana a licitación do proxecto para instalar unha boia intelixente dotada dunha sonda multiparamétrica que axudará a avaliar a calidade da auga na praia de Oza.

Este proxecto, que conta cun orzamento de 53.500 euros, cofinanciado a un 80 % con fondos europeos Feder, forma parte do plan municipal para cumprir os obxectivos da Estratexia de Desenvolvemento Sustentable 2030 marcada polo Ministerio para a Transición Ecolóxica e o Reto Demográfico para facer fronte á emerxencia climática e ambiental.

Noutra orde de cousas, o consistorio está a renovar a cartelaría dos xardíns de Méndez Núñez con información histórica e botánica do espazo.

A cartelaría incorpora tamén unha ruta en paneis informativos que ten como obxectivo favorecer a divulgación histórico-científica dos xardíns.