A cátedra de Dereito local da Universidade da Coruña (UDC) e a Deputación coruñesa organizan o vindeiro venres, día 13, a xornada ‘As políticas enerxéticas das entidades locais: novos escenarios’, no salón de graos da Facultade de Dereito.

O decano da Facultade, Xulio Ferreiro, e o presidente da Deputación, Valentín González Formoso, abrirán as xornadas, xunto co director da cátedra, Carlos Amoedo.

Por outra banda, no ámbito cultural, a institución provincial apoiará o programa ‘Con voz de muller’, impulsado polo Concello de Ortigueira co obxectivo de pór en valor a contribución das mulleres ao desenvolvemento do municipio.

Mentres, colaborará co Concello de Cabana para a posta en valor e mantemento do dolmen de Dombate, coa renovación do convenio para o financiamento das actividades e o servizo de atención a visitantes.