Os plans de sustentabilidad turística en destino dos ‘Fogóns do Anllóns’ e das ‘Fragas do Eume’ serán os protagonistas dos actos institucionais que a Deputación da Coruña desenvolverá na feira de turismo Fitur.

O vicepresidente da institución provincial e responsable da área de Turismo, Xosé Regueira, encabezará a delegación da provincia, na que participarán representantes políticos dos concellos das comarcas de Bergantiños e de Eume, así como do tecido social, económico e deportivo.

Segundo Regueira, a decisión de difundir estes plans está enmarcada “nunha aposta política e nunha estratexia turística baseada no valor do propio e nas potencialidades do territorio“.

A primeira das citas será a presentación dos ‘Fogóns do Anllóns’, que terá lugar o mércores día 18, ás 12.30 horas. ‘As Fragas do Eume’ será protagonista o xoves, día 19, ás 18.00 horas.