InicioA CORUÑAA negociación sobre os peiraos da Coruña é "unha cuestión" do Concello,...

A negociación sobre os peiraos da Coruña é “unha cuestión” do Concello, segundo Miñones

Publicada o

Por europapress

O delegado do Goberno en Galicia, José Miñones, reivindicou o “compromiso” do Executivo central co porto da Coruña, pero asegurou que a negociación sobre o futuro dos peiraos é “unha cuestión que encabeza o concello”, en referencia ás negociacións coa Xunta e a Autoridade Portuaria.

Preguntado se o Estado está disposto á súa cesión de forma gratuíta, Miñones defendeu “o investimento histórico” estatal e asegurou que a apertura dos peiraos á cidade “é unha cuestión que encabeza o concello nas negociacións coa Xunta e co porto”, “E haberá que coñecer con detalle cales son os cálculos que fai a Autoridade Portuaria e a partir de aí seguir falando”, recalcou.

“O que toca é diálogo”, insistiu Miñones para quen “se estableceu un compromiso por parte do Goberno” que se cumpriu “”. “E nesa liña o porto exterior ten o financiamento, ten a obra, ten a adxudicación”.

“A partir de aí, toca seguir falando e vendo coa Xunta de Galicia, co Concello e coa Autoridade Portuaria, coñecendo primeiro a información por parte da Autoridade Portuaria de cales son os custos e cales son as posibles solucións”, engadiu.

Pola súa banda, fontes municipais consultadas por Europa Press incidiron en que “a propia Autoridade Portuaria aifrma que conta con recursos para financiarse e, nese contexto, o Concello non prevé pagar pola titularidade dun chan que xa se está abrindo ao uso público”.

ÚLTIMAS

Nova protesta para pedir “xustiza” e “máis investigación” polo asasinato de Yoel Quispe

Familiares e amigos de Yoel Quispe, o mozo español de orixe peruana, de 22...

A asociación cultural O Mural urxe á Xunta a admitir a súa solicitude de declaración BIC dos murais de Lugrís

A asociación cultural O Mural, unha das entidades que alertou da situación dos murais...

O BNG pedirá no Parlamento galego a declaración da Coruña como mercado de vivenda tensionado

A portavoz nacional do BNG, Ana Pontón, anunciou que a formación nacionalista pedirá no Parlamento galego a...

Arde unha casa okupada no barrio dos Mallos, cun dos seus moradores detido por violencia machista

Unha vivenda okupada do barrio coruñés dos Mallos acabou calcinada este venres, cun dos...