InicioDEPORTESSacando conclusións

Sacando conclusións

Publicada o

Por Miguel Barreiro Bugallo

Ca derrota do sábado pasado en Alcorcón, o Depor pecha a primeira volta da competición na cuarta posición, a sete puntos do líder e amosando unha terrible irregularidade que a día de hoxe fainos pensar, un ano mais, no temido playoff en xuño. Aínda que pareza precipitado, esta é a conclusión que se pode sacar có que fixo ó Depor neste primeiros cinco meses de competición. Vexamos por que.

O Dépor é un equipo que non ofrece garantías nin na casa nin xogando fóra. Xogou 10 partidos de local e só puido gañar 6 deles, empatando e perdendo con rivais da parte baixa. Pouco premio para o lugar onde máis seguro se sente o equipo e onde mellor xogo fixo no que vai de liga. De visitante xogou 9 partidos gañando 4 deles y perdendo 3, o que nos fai ver que é un pouco lotería o que vai facer o Dépor cando viaxa. O peor de visitante, sen dúbida, foi o xogo e as derrotas co Castilla e Alcorcón, o que amosa que non somos fiables cos rivais directos.

Facendo máis análise, vemos que das 10 vitorias do equipo, só 3 delas foron por diferencia superior a un gol e que só en 2 ocasións foi quen de meter máis de 2 goles. Isto fala de pouca acción ofensiva e de xogar con lume día si, día tamén. Por outra banda, o equipo só enlazou 3 vitorias consecutivas e xusto na parte final da primeira volta, o que fai moi difícil achegarse á cabeza e recortar puntos.

Hai un aspecto no que o Dépor si amosa certa fiabilidade e é cando se pon por diante no marcador: das 10 veces que se adiantou no marcador, en 9 delas venceu; se lle sumamos que noutras tres ocasións foi capaz de remontar o marcador adverso e non perder este partidos, dá a entender que se atopa máis cómodo levando a iniciativa e indo polos partidos dende o principio.

Se cadra o aspecto máis negativo desta primeira volta foi que o Dépor non gañou nin o Alcorcón, nin o Córdoba, nin o Castilla, os tres rivais que lle preceden na táboa.

Que ten que facer o Depor para loitar polo ascenso directo? Sacar todos os puntos de Riazor, xa que máis tropezos na casa non permitirán pensar en logros maiores; de visitante hai que saber xogar cas urxencias dos rivais de abaixo e pechar os partidos cando te pos por diante. Por suposto, non perder cos rivais directos e ser quen de enlazar 5-6 vitorias seguidas no comezo da segunda volta. Moi fácil escribir, máis difícil fácelo no campo.

  • Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.

ÚLTIMAS

Olladas doutro tempo: Santa Cristina

A Pasaxe da Foz era o nome que se empregaba antigamente para referirse ó...

O traballadores da limpeza de Cambre e Culleredo volveron levar ás rotondas as súas reivindicacións laborais

Volve a actualidade conflito laboral en Jardincelas. Lonxe de solucionarse, o conflito laboral dos...

“Aquí tamén se fala” convértese en Festival!

Impresionante o traballo normalizador que está a realizar o IES Rafael Dieste. Co alumnado...

Esquerda Revolucionaria acusa ao PP da Coruña de ser coma Vox por tentar prohibir un acto sobre Lenin

A portavoz de Esquerda Revolucionaria na Coruña, Beatriz García, denunciou unha "campaña matonil" do...