InicioPOLÍTICAUn xulgado arquiva unha causa aberta por De Lara por contratos municipais...

Un xulgado arquiva unha causa aberta por De Lara por contratos municipais adxudicados na Coruña

Publicada o

Por europapress

O Xulgado de Instrución número 1 da Coruña arquivou unha parte da causa coñecida como ‘Pikachu’ –rama coruñesa da operación ‘Pokemon’–, aberta pola xuíza Pilar de Lara en relación con contratos municipais adxudicados na Coruña.

Segundo recolle o auto, ao que tivo acceso Europa Press, acorda o sobresemento provisional por entender que no presente momento “non existen indicios bastantes de que os feitos sexan constitutivos de infracción penal”, en referencia aos delitos de suborno e tráfico de influencias.

Tamén o fai por entender que, en todo caso, estará prescrita a posibilidade responsabilidade penal das persoas implicadas na investigación, que se remonta a fai dez anos.

O sobresemento afecta, entre outros, ao exconcelleiro socialista José Nogueira e a varios funcionarios municipais pola adxudicación de contratos no centro Ágora na Coruña, a unha empresa integrada no grupo Vendex.

No auto, incídese tamén en que persoas que formaban parte da mesa de contratación non declararon como investigados “e dado o tempo transcorrido, máis de 10 anos, tales feitos estarían prescritos respecto dos mesmos”.

ÚLTIMAS

Ilusión entre @s praceir@s na apertura do Mercado provisional de Monte Alto

Tras 3 semanas e media sen poder traballar, as praceiras do Mercado de Monte...

Empresari@s de ASCEGA, veciñ@s e oposición responsabilizan ao goberno da mala xestión das licenzas

Convocaba unha reunión onte a Asociación de Empresarios de Galicia (ASCEGA) para analizar a...

Viñetas desde o Atlántico queda sen o seu director

O debuxante Miguelanxo Prado, director do Salón Internacional do Cómic Viñetas desde o Atlántico...

A Coruña conta con máis dun centenar de símbolos franquistas sen eliminar, segundo un informe

A Coruña conta con máis dun centenar de símbolos franquistas sen eliminar, segundo un...