A sala de exposicións do Palacio Municipal de María Pita acolle desde este xoves a exposición ‘Manuel Ayaso. Testemuño do invisible’, na que se fai un repaso á traxectoria artística deste pintor. A mesma, aberta ata o 12 de marzo, está integrada por 84 pezas de diferentes etapas e estilos pictóricos.

O concelleiro de Economía, Facenda e Réxime Interior, José Manuel Lage, interveu na apertura da mostra, xunto ao comisario da mesma, Alfonso Costa. No acto, agradeceu a presenza de Manuel Ayaso e destacou a súa calidade artística e o compromiso coa pintura e a cultura, ademais de resaltar a súa trayetoria.

“É un virtuoso, capaz de regalarnos o seu talento e de facernos mirar cara ao invisible, cara á esencia das nosas vidas, da nosa contorna e da nosa sociedade”, indicou o concelleiro en liña co comisario da mostra.