Esta maá de venres 27 de xaneiro, a UGT convocaba unha concentración na Avda. Fernández Latorre. Unha cita para reivindicar máis recursos para poñer fin á violencia contra as mulleres, co fin de previr e dar unha atención integral ás vítimas e, acelerar a aplicación efectiva dos distintos acordos e convenios acadados no ámbito nacional e internacional.

Dende o sindicato piden incrementar a efectividade do Pacto de Estado en materia de violencia de xénero; ratificar o Convenio 190 da OIT sobre a violencia e acoso no mundo do traballo; ademais o Convenio 189, sobre as traballadoras domésticas.

A manifestación afondo na problemática do acoso no eido laboral, onde “é moi invisible; non porque non exista, se non porque non se denuncia”.

Dende UGT aseguran que “traballamos para apoiar ás mulleres que sofren violencia e denunciamos as situacións que detectamos. Traballamos para impulsar plans de igualdade e promovemos protocolos de prevención contra o acoso sexual ou por razón de xénero, protocolos obrigatorios dende 2007, pero son milleiros as empresas que non teñen”.