A alcaldesa da Coruña, Inés Rey, avogou por deseñar “entre todos” protocolos antiacoso en locais de lecer, ao ser preguntada pola formulación feita a este respecto pola Marea Atlántica.

“Todas esas cousas que sexan positivas, creo que é conveniente importalas”, dixo aludindo ao deseñado en Cataluña. “Se podemos entre todos deseñar un protocolo similar que se implante aquí en todos os locais de hostalaría, á miña paréceme unha idea fantástica”, apostilou.

Fíxoo tras destacar a actuación “rápida” do porteiro do local de lecer onde se produciu unha presunta agresión sexual a fin de semana na cidade herculina, á vez que volveu a condenar “actitudes que non teñen lugar nunha sociedade democrática avanzada”.

Ao fío diso, sinalou que o goberno municipal “vai ter sempre toda a disposición, toda a colaboración co sector e coa Delegación do Goberno e con quen faga falta, a comunidade autónoma, para que este tipo de protocolos implantar”.