O Ministerio Público solicita unha pena de tres anos de cárcere e unha multa de 6.750 euros para o propietario dun prostíbulo situado no municipio coruñés de Sada por un delito contra os dereitos dos traballadores ao contar con 13 mulleres empregadas para o exercicio da prostitución sen estar dadas de alta como camareiras de alterne.
O xuízo contra este suposto proxeneta terá lugar o vindeiro xoves 9 de febreiro na sección segunda da Audiencia Provincial da Coruña.
Unha inspección realizada na madrugada do 21 de xuño de 2019 neste local comprobou que neste negocio dedicado á prostitución exercían 13 mulleres sen estar dadas de alta como camareiras de alterne.
Así o recolle o escrito de acusación de Fiscalía, que sinala que tres destas mulleres carecían de permiso de residencia en España.
Por todo iso, considera ao acusado autor dun delito contra os dereitos dos traballadores polo que solicita unha pena de 3 anos de cárcere e unha multa de 6.750 euros.
