Ambientazo espectacular no Pavillón polideportivo de Riazor para ver un dos grandes choques desta campaña. Un histórico da ACB como é o Estudiantes visitaba o, onte quente templo herculino, e sufría as consecuencias dun equipo que soubo pelexar e defender para sacar unha vitoria fundamental, nun dos seus mellores momentos da temporada (8 vitorias nos últimos 9 partidos).
A defensa foi a gran protagonista, deixando a un equipo como o madrileño (moi errático nos tiros) en apenas 66 puntos, e igualando ademais o basketaverage, pois na ida o equipo coruñés perdera por 8 puntos.
Unha vitoria moi coral, destacando a labor dun Lotanna Nwogbo chamado a grandes cousas, apoiado na pintura por un Atoumane Diagne, que segue dando pasos, xa afianzado como un dos 3 xogadores que seguen no equipo dende a temporada pasada. Claves foron os triples de Barrueta e as aparicións de Alex Font e Olle Lundqvist para manter os 10 puntos de vantaxe en practicamente todo o encontro.
O equipo de Epifanio colócase 5º, 13 vitorias e 7 derrotas, polas 15-5 que ten agora Movistar Estudiantes na 3ª praza; e os 18-2 dos dous poderosos líderes, Zunder Palencia e Morabanc Andorra.
O equipo busca afianzarse entre os 9 primeiros para colarse nos playoffs de ascenso.
View this post on Instagram
O equipo brindoulle ademais un fermoso detalle ao Berrallouco. Gabriel Barreiro Veiga, o gran animador do @tsunaminaranja, cumplía anos, e o pavillón enteiro adicoulle un #cumpleañosfeliz a capela!
