Letrados da Administración de Xustiza na Coruña anuncian concentracións os mércores, ante a Delegación do Goberno en Galicia, a partir das 11,00 horas.
Segundo explican, “tras máis de 15 días de folga sen que o Ministerio de Xustiza cumprise co seu deber de negociar co comité de folga” manterán a súa intención de convocar protestas, ata xuño, se non hai avances.
Os letrados da Administración de Xustiza comezaron a folga o pasado 24 de xaneiro, cun seguimento do que destacan a elevada participación e que aseguran ten paralizado “case completamente” os xulgados galegos.
