Quedou inaugurada esta mañá na casa museo Casares Quiroga a mostra ‘Camiños do Exilio 1939’. Unha exposición imaxes inéditas do fotógrafo francés Philippe Gaussot que chega gracias á Concellería de Educación e Memoria Histórica en colaboración da asociación francesa “24 août 1944”.

Philippe Gaussot foi un dos fundadores do diario rexional Le Dauphiné Libéré e un recoñecido xornalista especializado en fotografía de montaña que desenvolveu un importante papel durante o final da Guerra Civil española axudando aos exiliados republicanos na súa fuxida.
A colección está formada por tres bloques: A acollida de nenos vascos e cataláns, desde 1937; A Retirada en febreiro de 1939; e Os campos de internamento nas praias do Roselló.

A mostra estará aberta do 16 de febreiro ao 7 de maio na Casa Museo Casares Quiroga. O seu horario de apertura é de martes a sábado de 11.00 a 13.30 e de 18.00 a 20.00 horas e domingos e festivos de 12.00 a 14.00 horas.