InicioPOLÍTICAJorquera en ASCEGA: "É necesario un cambio de rumbo"

Jorquera en ASCEGA: “É necesario un cambio de rumbo”

Publicada o

Por europapress

O portavoz municipal do BNG no Concello da Coruña e candidato á Alcaldía, Francisco Jorquera, particiou esta mañá nas presentacións das candidaturas que organiza a Asociación de Emprendedores de Galicia. Unha ASCEGA que xa artellou o primeiro debate cos rexedores de Oleiros, Fene e Pontedeume e que comeza con Jorquera as presentacións da capital herculina.

O edil do BNG reivindicou que esta formación concorrerá ás próximas eleccións municipais “con vocación real de ser unha alternativa” para “liderar politicamente esta cidade”, porque o “BNG non acepta o papel de actor secundario que nos pretende asignar o PSOE e o PP”.

Tamén dixo que é necesario un “cambio de rumbo” na cidade e, neste sentido, apelou á xestión dos nacionalistas noutros consistorios galegos.

“Fronte á inestabilidade que caracerizó a outras forzas políticas, o BNG pode presumir de ter unha forza política estable que neste tres anos e medio estivo centrado non en cuestións internas senón en trasladar os problemas e demandas da cidadanía ao concello”, expuxo tamén a preguntas dos participantes no acto.

Mentres, criticou que non haxa aínda un orzamento para este ano e cuestionou a execución das contas municipais por parte do goberno socialista. “Executouse un de cada tres euros destinados a investimento”, apostilou.

“Un goberno máis preocupado pola foto e os titulares que por atender á cidade no día a día”, engadiu Jorquera, quen fixo referencia tamén algunhas das propostas dos nacionalistas no seu programa.

Entre elas, citou impulsar a rehabilitación de vivendas, mellorar a accesibilidade das mesmas ou incrementar o parque de pisos de titularidade municipal. A iso, sumou que A Coruña sexa “un modelo de calidade urbana cun espazo público accesible“.

ÚLTIMAS

Pasea polo medio de Cambre cun machete de 45 centímetros de folla

AA Policía Local de Cambre denunciou a un mozo que paseaba pola contorna do...

Olladas doutro tempo: Panorámicas e Vidros

Os Castros sempre foi un mirador privilexiado, con certa altura e un ángulo grande...

O Muncyt recibe máis de 55.000 vistas anuais

O delegado do Goberno en Galicia, Pedro Blanco, visitou a sede coruñesa do Museo...

Xulgan a un home acusado de formar parte dun grupo que roubaba vivendas en Oleiros, Bergondo, Sada e Sanxenxo

A sección segunda da Audiencia Provincial da Coruña celebrará os días 3, 4, 5 e...