O libro El Sentimiento Cofrade coruñés: la Venerable Cofradía de la Pasión será presentado este xoves 16 de febreiro. O libro está escrito  por Luis Maside Miranda e editado pola Cofradía de la Pasión e a Editorial Camiño do Faro.

Na presentación do libro estará o exalcade Francisco Vázquez, ao que acompañarán, ademais do autor do libro, Juan Antonio Fernández, Irmán Maior da Confraría da Paixón; Matías Membiela da editorial Camiño do Faro e Nicolás García, cura párroco de San Jorge.

A Confraría da Paixón do Señor con sede na histórica parroquia coruñesa de San Jorge, é o tema principal do libro e fío condutor do que tira Maside para mostrarnos unha panorámica sobre as distintas confrarías e irmandades coruñesas, tanto do pasado como do presente. Afortunadamente o movemento confrade está vivo na nosa cidade, algo moi necesario sempre, xa que, como apunta D. Julián Barrio, arcebispo de Santiago, nos prolegómenos do libro “Os confrades comprométense á axuda mutua, espiritual e material”. Péchase o libro co erudito e moi interesante epílogo escrito por  Francisco Vázquez

A presentación terá lugar no Salón de actos da parroquia de San Jorge ás 20.00 h. e será de entrada libre ata completar aforo.