A Policía Autonómica interveu 6,2 quilos de percebe extraídos por furtivos na zona da Torre de Hércules, na cidade da Coruña.

Segundo informou a Xunta este venres, a acción foi levada a cabo o pasado luns 13 de febreiro en colaboración coas confrarías de pescadores locais, que alertaron á Policía Autonómica da presenza de furtivos nos acantalidados da Torre.

Ata alí mobilizáronse axentes da unidade adscrita á Comunidade Autónoma, que descubriron a dous homes que portaban dúas bolsas e que, ao percartarse da presenza dos policías, déronse á fuga.

Unha vez interceptados e identificados, os axentes comprobaron que ambos os individuos tiñan denuncias previas por marisqueo ilegal. En total, foron comisados 6,2 quilos de percebe, dous salabardos e unha mochila. Así pois, a Policía Autonómica formulou dúas denuncias por infraccións da Lei de pesca de Galicia e entregou o marisco a un centro benéfico da cidade herculina.