A Xunta de Goberno local do Concello da Coruña aprobou este mércores a modificación do contrato para ampliar a oito horas diarias a atención no servizo da rede de escolas infantís municipais, que entrará en vigor o próximo 1 de abril.

A ampliación a oito horas foi aprobada no pleno celebrado a finais do pasado mes de novembro. Posteriormente, a comezos de febreiro, acordouse a modificación do regulamento e funcionamento das escolas infantís municipais con vistas á ampliación do horario de atención educativa gratuíta para as familias.