Sabela Maneiro, Aida Tarrío e Olaia Maneiro foron protagonistas da primeira das sesións da terceira edición do foro Pensando en Educación, organizado polo Concello da Coruña. O salón de actos da Fundación Paideia ateigouse para escoitar ás cantareiras do grupo Tanxugueiras reflexionar sobre os retos das mulleres no mundo da música
Moderou o acto a xornalista Loreto Silvoso. Sabela, Aida e Olaia falaron das dificultades que tiveron como mulleres para desenvolver o seu traballo musical e das necesidades que existen no seu sector para acadar unha igualdade real.
Máis sesións
A segunda sesión do terceiro foro Pensando en Educación terá como protagonistas á coruñesa Sofía Toro, campioa olímpica, mundial e europea de Vela e xerente do Clúster Galego da Industria do Deporte e o Benestar, e a defensa central do Deportivo Abanca, Raquel García, o próximo 30 de marzo.
Ofrecerá a terceira e última charla Isabel Blanco, comunicadora, actriz e produtora de formatos para televisión, documentais e pequenas ficcións e Mariana Carballal, docente, directora de cine, teatro, televisión e activista pola igualdade de xénero na cultura o 27 de abril. Moderarán as xornalistas Isabel Bravo e Lara Vivero.
