Ese mes que tan mal se lle da o Depor tradicionalmente. O mes no que se perde o tren dos obxectivos que levas seis meses definindo. O mes no que entra a vertixe polo que levas camiñado e o que che falta por camiñar. O ano pasado tirouse o ascenso neste fatídico mes, con tres derrotas en catro partidos. Queda pensar que este ano a tónica do equipo está sendo positiva e custa crer que isto vaia cambiar.

O Depor ampliou o catálogo de vitorias na casa deixando unha nova de forma que non se vira en todo o ano: gañar e convencer. Saíu coma de costume na casa, aínda que, nesta ocasión, mellorouse a puntería e os goles chegaron antes do descanso o que puxo moi costa arriba ó Badaxoz o resultado e unha posible reacción. Marcou Lucas, ben Mario e Quiles, ben o medio campo e, sobre todo, quinto partido dos seis da segundo volta coa portería a cero. Apareceu tamén, Saverio por banda e amosou unha boa predisposición cara o gol e a encarar en carreira, sumándose así a terna de posibilidades en ataque de Cano. Gañou ben o Depor e permitiulle isto chegar ó liderato por unhas horas. Liderato efémero pola vitoria do Alcorcón contra o Unionistas na mañá de onte domingo.

Mes movido este de marzo para o Depor. Xogará dous deses partidos marcados pola afección no calendario, un deles contra o Castilla pola clasificación, e o outro contra o Turista, pola rivalidade. No medio, visitará á Balona e á Cultural, o mellor rival que pasou por Riazor. Polo tanto, moito que perder neste mes de marzo e pouco que gañar, máis aló de seguir metido no lío.

• Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.

Máis crónicas do Dépor

• Riazor chora o pasamento de Dani Fieño Llerafo.
• Miguel Barreiro: Menuda lata o de viaxar.
• Miguel Barreiro: Canguelo lonxe de Riazor.
• Miguel Barreiro: Outro día na oficina.
• Miguel Barreiro: Saíu Cruz.
• Mguel Barreiro: Resorte Branquiazul.
• Miguel Barreiro: Sacando Conclusións.
• Miguel Barreiro: Lucas e a nova dimensión.
• Con vós, Canto Deportivo.
• Entrevista a Augusto: “Fai falta #gentedefútbol“.
• Entrevista a CuantoSufrimos: “O Dépor tráenos moitos disgustos pero o podcast só alegrías”