Esta pasada xornada de luns as máquinas derrubaron case por completo o esqueleto que resistía dende hai demasiados anos (máis de 40…) a zona das Xubias. Un edificio, preto do Materno, que ía ser un aparcamento, pero que nunca se rematou.

Cúmprese así unha demanda histórica da Asociación Veciñal de Oza-Gaiteira-Os Castros. Tras barallar varias opcións, entre elas, unha gran zona verde, a zona albergará novamente un aparcamento, que era o uso inicial que se lle quixo dar a esta zona.