A alcaldesa da Coruña, Inés Rey, ve “completamente positiva” a inauguración, este venres día 3 de marzo, do novo terminal petroleiro marítimo de Repsol no porto exterior da cidade herculina. Respecto ao futuro do peirao de San Diego, pediu “mesura e tranquilidade” para ir definindo os seus usos.
“Supón un paso importantísimo que sen o tren a Langosteira non sería posible“, puntualizou e lembrou que esta conexión ferroviaria é unha realidade “grazas ao investimento que fai o Goberno de España nesta infraestrutura tan demandada desde hai tantos anos”. Rey recalcou que esta inauguración vai contribuír ao proceso de apertura dos peiraos, “desafectación dos mesmos e á construción da nova cidade cara a ese lado da baía nos próximos anos”.
PEIRAO DE SAN DIEGO
Respecto da futura liberación do peirao de San Diego, cuxa concesión da compañía enerxética finaliza en 2027, a alcaldesa pediu “mesura e tranquilidade” para ir definindo “moi ben os usos para a cidade, sen precipitarse e sen visións cortoplacistas”.
“Nisto hai que ter luces longas, non é un proxecto a curto prazo é o desenvolvemento máis importante que vai vivir a cidade no século XXI”, recalcou. Cuestionada tamén polo uso dos peiraos para concertos, Inés Rey insistiu en que o Concello mantén “contacto permanente” coa Autoridade Portuaria para “poder abrilos tamén este verán” á celebración dos