O presidente da Xunta, Alfonso Rueda, acompañado do vicepresidente segundo, Diego Calvo, visitou hoxe o pavillón de Monte Alto para comprobar como quedaron as obras de remodelación do pavillón deportivo de Monte Alto.
Unhas obras que remataron o pasado 14 de febreiro, e que xa trouxeron a súa polémica pola aparición de pingueiras.
No acto, Rueda destacou o investimento de máis de dous millóns de euros en melloras en pavillóns deportivos da Coruña e, en particular, destacou as actuacións levadas a cabo no de Monte Alto, cun investimento duns 445.000 euros. Como Diego Calvo, resaltou os servizos que presta nun acto con presenza tamén da alcaldesa, Inés Rey, quen apelou á colaboración institucional nesta materia.
