InicioPOLÍTICAA Xunta anuncia 90 vivendas de protección autonómica no barrio de Xuxán

A Xunta anuncia 90 vivendas de protección autonómica no barrio de Xuxán

Publicada o

Por europapress

A conselleira de Medio Ambiente, Territorio e Vivenda, Ángeles Vázquez, asinou a venda dunha parcela no barrio coruñés de Xuxán para contruir 90 vivendas de protección autonómica (VPA).

Tras o acto, no que estivo acompañada polo delegado territorial da Xunta na Coruña, Gonzalo Trenor, a conselleira explicou que se construirá un edificio con cinco portais, con cinco pisos de vivendas. “Todos temos que facer un esforzo para que todo o mundo poida ter vivendas dignas, se poida rehabilitar, e ao mesmo tempo, facer outro esforzo para dar seguridade xurídica”, apostilou.

Vázquez destacou que a cooperativa nova propietaria desta parcela está a construír outras 90 vivendas na cidade herculina e lembrou o compromiso da Xunta de pór a disposición dos veciños da cidade herculina “ao redor de 1.100 vivendas protexidas”.

VIVENDAS BALEIRAS

Por outra banda, a preguntas dos xornalistas sobre a cantidade de vivendas baleiras existentes na Coruña, a conselleira recalcou que o Executivo autonómico realiza “continuamente” estudos sobre este asunto, no entanto, para “sacar conclusións ten que ser algo medible”.

Para iso, incidiu, é necesario que o Goberno central “repense e defina” o concepto de vivenda baleira para sexa “igual para todos os puntos de Galicia e de España”.

ÚLTIMAS

Ilusión entre @s praceir@s na apertura do Mercado provisional de Monte Alto

Tras 3 semanas e media sen poder traballar, as praceiras do Mercado de Monte...

Empresari@s de ASCEGA, veciñ@s e oposición responsabilizan ao goberno da mala xestión das licenzas

Convocaba unha reunión onte a Asociación de Empresarios de Galicia (ASCEGA) para analizar a...

Viñetas desde o Atlántico queda sen o seu director

O debuxante Miguelanxo Prado, director do Salón Internacional do Cómic Viñetas desde o Atlántico...

A Coruña conta con máis dun centenar de símbolos franquistas sen eliminar, segundo un informe

A Coruña conta con máis dun centenar de símbolos franquistas sen eliminar, segundo un...