O Centro de Divulgación Ambiental de Oleiros ultima unha campaña de sensibilización sobre as Reservas da Biosfera

O Centro de Extensión Universitaria e Divulgación Ambiental de Galicia (CEIDA) desenvolverá este ano unha campaña de dinamización e sensibilización ao redor das Reservas da Biosfera, así como a formativa e de comunicación sobre a importancia das áreas protexidas.

Así o anunciou a conselleira de Medio Ambiente, Territorio e Vivenda, Ángeles Vázquez, que, no consello de dirección e a comisión executiva da entidade, destacou a actividade do centro, que ofertou 1.293 actividades o ano pasado, coa presenza de 40.203 participantes.

Vázquez puxo en valor estes datos do balance anual do pasado ano que supoñen un incremento con respecto aos rexistros de 2021, no que se organizaron 1.278 actividades que contaron con 35.224 asistentes.

Neste sentido, a conselleira recalcou o traballo do CEIDA na organización dunha ampla oferta de actuacións de “dinamización, sensibilización, divulgación, formativas e de comunicación, así como de educación ambiental e de asesoramento e documentación”.

ÚLTIMAS

Lage aposta por crear un consorcio de transportes metropolitano “cooperativo” entre A Coruña e a súa área

As asembleas de persoal aproban o preacordo para o convenio do metal da Coruña

As festas de María Pita: arte, música e cultura no corazón da Coruña

Ecos do Sur dá un paso á fronte na problemática da vivenda: “É fundamental acompañar aos máis vulnerables no proceso de adquisición dunha vivenda”