A plataforma Coruña eFilm ofrecerá en streaming e de maneira gratuíta ata 10.000 películas, series e documentais aos socios das bibliotecas municipais, segundo informou a alcaldesa, Inés Rey, nun acto na Ágora.
Segundo expuxo, esta plataforma promovida polo consistorio “revolucionará o préstamo de películas e series nas nosas bibliotecas“. Coruña eFilm está dispoñible en todos os dispositivos a través da súa páxina web e adáptase a un teléfono, unha tablet ou unha televisión Smart TV.
Ademais, explicou que o catálogo é amplo, contando cunha gran selección de obras galegas e en galego. Cada persoa usuaria poderá coller prestadas dúas películas ou dous capítulos de series á semana.
