Unha persoa resultou ferida na mañá deste luns nun accidente de tráfico ocorrido na zona limítrofe entre os concellos da Coruña e Culleredo. Segundo a información do 112-Galicia, o suceso ocorreu sobre as 8,00 horas, cando dous vehículos chocaron na Avenida de Nova York, en Culleredo.

Ata a zona desprazáronse os Bombeiros, dado que inicialmente críase que a persoa ferida estaba atrapada no vehículo, aínda que, finamente, non foi necesaria a súa intervención. Ao atoparse nunha área limítrofe entre dous concellos, foron activados os efectivos do parque comarcal, en Arteixo. Tamén foron mobilizados efectivos sanitarios do 061.