InicioSUCESOSNovos atrasos nos trens Vigo á Coruña

Novos atrasos nos trens Vigo á Coruña

Publicada o

Por editor

Un “incidente técnico puntual” no tren que partía de Vigo á Coruña ás 06,40 horas deste mércores provocou atrasos de máis dunha hora para decenas de viaxeiros.

Segundo fontes de Renfe consultadas por Europa Press, esta foi a causa que motivou que ese convoi non chegase a partir da estación olívica á súa hora, senón que saíu encadeado ao seguinte tren das 08,00 horas, polo que os viaxeiros tiveron que esperar unha hora e 20 minutos.

Con todo, a compañía ofreceu tamén aos usuarios interesados subir no tren rexional que realizaba o traxecto Vigo-Santiago ás 06,57 horas, no canto de esperar ata as 08,00 horas pola media distancia.

A pesar de facer máis paradas, foron moitos os viaxeiros os que elixiron esta opción. Ademais, o tren continuou o traxecto ata á Coruña, para tratar de remediar, na medida do posible, a situación.

Renfe indicou que agora o tren avariado será levado ao taller de reparación máis próximo para tratar de emendar o problema. Así mesmo, explicou que tamén se atrasou a viaxe de volta desta locomotora (ao non chegar a tempo á Coruña). Por todo iso, nas redes sociais varios usuarios mostraron o seu rexeitamento ante a “falta de información” sobre os motivos que provocaron o atraso do seu tren.

ÚLTIMAS

Ferido grave un mozo ao caer coa estatua da Fonte do Desexo na praza de Azcárraga

Un mozo resultou ferido grave ao caer desde o alto da fonte de praza...

O Terceiro Sector no Seminario da EAPN-ES da Coruña: “A pobreza non é inevitable”

Interesante e necesario o Seminario Anual ‘Garantía de Dereitos e Novos Modelos de Servizos...

Ferido un mozo tras caerlle a estatua da Fonte do Desexo

Eran as 0:00h cando saltaban as alarmas en plena Praza de Azcárraga. Un mozo...

A UDC impulsará o seu grao de Medicina na Coruña: dá por roto o acordo de descentralización ao non ratificalo a USC

A Universidade da Coruña (UDC) emitiu un comunicado este venres no que avanza que...

DEIXAR UN COMENTARIO

Please enter your comment!
Please enter your name here