InicioSOCIEDADEAberto o prazo de solicitudes para as Escolas Infantís Municipais

Aberto o prazo de solicitudes para as Escolas Infantís Municipais

Publicada o

Por Ubaldo Cerqueiro

Hoxe mércores 22 de marzo, quedou aberto o prazo de solicitudes para obter praza na Rede de Escolas Infantís Municipais (REIM) de cara ao vindeiro curso 2023-2024.

Por terceiro ano consecutivo, as nais e pais dos pequenos que asisten ás escolas infantís municipais terán garantida a gratuidade dun servizo, que xa oferta 8 horas de atención (a ampliación de 6 a 8 horas será aplicable dende o vindeiro 1 de abril) nos 8 centros que integran a REIM: A Caracola (Novo Mesoiro), Agra do Orzán, Arela (Elviña), Carricanta (O Castrillón), Os Rosales, Luis Seoane (Monte Alto), Monte Alto e Os Cativos (Palavea).

No proceso de admisión nas escolas infantís municipais, ao igual que en anos anteriores, as nenas e nenos escolarizados actualmente na REIM terán dereito a renovar a praza na súa escola. Poderase, ademais, solicitar praza noutra escola da REIM no caso de ter un irmán ou irmá na escola solicitada.

No referente aos novos ingresos, os usuarios teñen que ter unha idade mínima de 3 meses o día de comezo do curso escolar e non ter cumpridos os 3 anos o 31 de decembro de 2023. Será necesario, ademais, que a menor en cuestión estea empadroada con algún dos proxenitores.
Terán acceso preferente as solicitudes de prazas correspondentes a nenas e nenos baixo
circunstancias como, por exemplo, as consideradas de urxencia social.

O prazo para presentar as solicitudes será de dez días naturais, desde este mércores 22 de
marzo, e ata o vindeiro venres 31 de marzo, os dous incluídos.

As bases e a información da convocatoria, xa publicadas no Boletín Oficial da Provincia
(BOP), tamén poden consultarse a través desta ligazón.

ÚLTIMAS

29N.- Figaredo insiste en que Vox e BNG pelexan un escano pola Coruña e chancea con que non hai protestas por ser domingo

O portavoz nacional de Economía, Enerxía e Desregulación de Vox, José María Figaredo, visitou...

As razóns dos traballadores da Compañía de Travías para a folga deste luns 16N

Este luns 16 de novembro, teñan coidado se pensan ir en bus ao posto...

Buscan o autor do atropelo que acabou coa vida dun mozo de 25 anos

Un mozo de 25 anos morreu como consecuencia dun grave atropelo na Coruña. Segundo...

Diana Varela presenta no Fórum a súa viaxe poética con “Serea e Ulises”

Despois da presentación realizada en maio na Agra do Orzán Diana Varela trae este...

DEIXAR UN COMENTARIO

Please enter your comment!
Please enter your name here