O 27 de marzo de 1996 comezaban as emisións de CUAC FM no Campus da Zapateira. Unha radio Universitaria que pronto se transformaba en Comunitaria para dar cabida a toda iniciativa individual ou colectiva para realizar un programa de radio.
E como a comunidade radiofónica non puido celebrar o 25 aniversario por mor da pandemia, quere aproveitar este 27º aniversario para facer unha festa completa.
Será durante esta fin de semana de sábado 25, domingo 26, e luns 27 de marzo. O sábado 25 ás 10:34 da mañá, xogando co dial da emisora 103.4, quedará dispoñible en aberto na canle de Youtube da emisora e na súa páxina web o documental “Nada que ver. 25 anos de CUAC FM” dirixido por Iago Prada e que foi presentado o pasado ano no Teatro Colón da Coruña.
Ese mesmo sábado pola noite celébrase unha cea e a continuación a Gala dos “Oscuacs”, unha entrega de premios, con trece galardóns e con ambiente festivo para autopremiarse e festexar que a emisora segue viva, tras múltiples avatares.
O domingo chega o turno da música en directo. A actuación de Playa Desmayo na Sala Mardi Gras será ás 21:30 e toda a recadación do concerto será destinada á Cociña Econóomica. O dúo coruñés de garage punk surf foi elexida Mellor Banda local no XXIV Concurso de CUAC FM o pasado ano. A entrada custa 6€, ainda que se pode donar máis se se desexa.
CUAC FM comeza a desvelar os ACTOS DE CELEBRACIÓN do seu 27º ANIVERSARIO. O domingo 26 de marzo, na Sala Mardi Gras e a beneficio da Cocina Económica, concerto de Playa Desmayo, banda gañadora do Premio á Mellor Banda local no XXIV Concurso de Bandas e Solistas#Coruña #coruna pic.twitter.com/BU7X1uf2RD
— CUAC FM (@CuacFM) March 10, 2023
Luns, o Día grande
O luns, día grande do aniversario será un momento emocionante. A emisora recoñece a labor de Rafaela Hervada, a primeira muller en toda España en dirixir unha emisora de radio, Radio Coruña. Uno novo estudio financiado pola Deputación da Coruña levará o seu nome, tendo dende agora tres estudios a emisora: José Couso. Alexandre Bóveda e Rafaela Hervada. Asistirán ao acto familiares da homenaxeada.
Certame
Un dos hgrandesNos seguintes días convocarase o XXV Concurso de Bandas e Solistas de CUAC FM.
