Un home foi detido este xoves por supostamente acoitelar a outro, no transcurso dunha pelexa na zona do Castros.

Segundo fontes policiais próximas ao caso, os feitos tiveron lugar esta mañá ao redor das 6,30 horas. Durante unha discusión entre dous homes, un deles acoitelou cunha arma branca a outro.

O ferido foi trasladado ao Complexo Hospitalario Universitario da Coruña (CHUAC), aínda que o seu estado non é grave.

Aínda que no momento o agresor fuxiu, as investigacións policiais levaron á súa detención hai poucas horas. Espérase que pase a disposición xudicial este venres.