Dous novos ensaístas, unha de San Sebastián e outra de Cidade de México, gañaron as residencias literarias impulsadas polo Concello da Coruña, segundo informa o consistorio.

Trátase das axudas que impulsa a través das ‘residencias literarias’ e que se adxudicaron mediante senllos comités de avaliación. As gañadoras presentaron proxectos de ensaio literario en ambos os casos. Trátase de Naiara Puertas e Laura Sofía Rivero.

A Residencia ‘Cidade da Coruña’ está dirixida a escritores e escritoras en calquera xénero literario e residentes en España. A Residencia ‘Latitude 43’ está dirixida a calquera autor ou autora literario, pero do resto do mundo. As gañadoras poderán dedicarse aos proxectos de escritura que presentaron en concorrencia competitiva, segundo informa o goberno local sobre estas convocatorias.